Նյու Յորքը անվերջ զրույցի թեմա է, մի յուրահատուկ աշխարհ, որը, ինձ թվաց, ապրում է միայն իր սեփական կանոններով: Այն նաև աշխարհի ամենահայտնի զբոսաշրջային քաղաքն է: Նյու Յորքում կան բազմաթիվ վայրեր, որոնք անպայման արժե այցելել: Բայց ես, ցավոք, հասցրեցի այցելել դրանցից միայն մի քանիսը: Կսկսեմ, թերևս, այն ողբերգական վայրից, որը հայտնի է ամբողջ աշխարհին՝ World Trade Center, որտեղ գտնվում էին երկվորյակ աշտարակները: Այդ իրադարձությունների մասին հիշեցնում են երկու շատրվանները, որոնք խորհրդանշում են ամերիկյան ժողովրդի արցունքներն ու ցավը: Կարծում եմ, որ յուրաքանչյուր ոք, ով առիթ է ունեցել լինել Նյու Յորքում, անպայման կայցելի այս վայրը: World Trade Center Իսկ ինչպե՞ս կարելի է շրջանցել Lower Manhattan-ը, Wall Street-ը և Times Square-ը: Չնայած ժամանակիս սղությանը՝ ես չէի կարող չլինել այնտեղ, ինչպես նաև չօգտվել առիթից և սեփական աչքերով տեսնել Statue of Liberty-ն: Հսկայական տպավորություն թողեց լույսերի մեջ ողողված Բրուքլինի կամուրջը, որը միացնում է քաղաքի երկու մասերը՝ Բրուքլինը և Մանհեթենը: Wall Street-ի նեղ փողոցը մեզ տարավ դեպի ցլի հսկայական բրոնզե արձանը, որը Նյու Յորքի ֆինանսական թաղամասի ոչ պաշտոնական խորհրդանիշն է և ներկայացնում է ուժ ու հաստատակամություն: Բոլորը ձգտում են դիպչել դրան՝ ֆինանսական հաջողություն ունենալու համար, ինչը, իհարկե, արեցինք նաև մենք)) Գիշերային Brooklyn bridge Նյու Յորքի ամենահայտնի վայրը Times Square-ն է: Հիասքանչ տեսարան՝ լույսեր, գովազդներ, բազմաթիվ մարդիկ, բուտիկներ, թատրոններ. այս ամենը համադրում է Times Square-ը: Ինձ ապշեցրեց չորսհարկանի M&M’s խանութը՝ գունավոր M&M’s գնդիկների հսկայական պարկուճներով: Ես նաև շատ էի ուզում լինել Central Park-ում, Empire State Building-ում, Madison Square Garden-ում, բայց չհաջողվեց… Ահա և առիթ՝ վերադառնալու Նյու Յորք և անպայման սեփական աչքերով տեսնել մնացածը ))) Times Square – իսկական խելագարություն M&M’s – ահա թե ինչ եմ ես սիրում)
+4
