ნიუ-იორკი საუბრის დაუსრულებელი თემაა, განსაკუთრებული სამყარო, რომელიც, როგორც მომეჩვენა, მხოლოდ თავისი წესებით ცხოვრობს. ის ასევე მსოფლიოში ყველაზე პოპულარული ტურისტული ქალაქია. ნიუ-იორკში უამრავი ადგილია, სადაც აუცილებლად უნდა მიხვიდეთ. მაგრამ, სამწუხაროდ, მე მხოლოდ ზოგიერთი მათგანის მონახულება მოვასწარი. დავიწყებ, ალბათ, იმ ტრაგიკული ადგილით, რომელიც მთელი მსოფლიოსთვის ცნობილია – World Trade Center, სადაც ტყუპი კოშკები მდებარეობდა. იმ მოვლენებს ორი შადრევანი გვახსენებს, რომლებიც ამერიკელი ხალხის ცრემლებსა და ტკივილს განასახიერებს. ვფიქრობ, ნებისმიერი, ვისაც ნიუ-იორკში მოუწია ყოფნა, აუცილებლად ეწვევა ამ ადგილს. World Trade Center და როგორ შეიძლება Lower Manhattan-ის, Wall Street-ისა და Times Square-ის გარეშე? დროის სიმცირის მიუხედავად, არ შემეძლო იქ არ ვყოფილიყავი, ასევე არ გამომეყენებინა მომენტი და საკუთარი თვალით არ მენახა Statue of Liberty. უდიდესი შთაბეჭდილება მოახდინა განათებულმა ბრუკლინის ხიდმა, რომელიც ქალაქის ორ ნაწილს – ბრუკლინსა და მანჰეტენს აერთებს. Wall Street-ის ვიწრო ქუჩამ მიგვიყვანა ხარის უზარმაზარ ბრინჯაოს ქანდაკებამდე, რომელიც ნიუ-იორკის ფინანსური უბნის არაოფიციალური სიმბოლოა და ძალასა და შეუპოვრობას განასახიერებს. ყველა ცდილობს შეეხოს მას ფინანსური იღბლისთვის, რაც, რა თქმა უნდა, ჩვენც გავაკეთეთ)) ღამის Brooklyn bridge ნიუ-იორკში ყველაზე პოპულარული ადგილია Times Square. განსაცვიფრებელი სანახაობა – განათებები, რეკლამები, უამრავი ხალხი, ბუტიკები, თეატრები – Times Square-ში ეს ყველაფერი ერთადაა თავმოყრილი. გამაოცა ოთხსართულიანმა M&M’s მაღაზიამ ფერადი M&M’s ბურთულებით სავსე უზარმაზარი კაფსულებით. ასევე ძალიან მინდოდა Central Park-ში, Empire State Building-ში, Madison Square Garden-ში მოხვედრა, მაგრამ ვერ მოვახერხე… აი, მიზეზიც ნიუ-იორკში დასაბრუნებლად და დარჩენილის საკუთარი თვალით სანახავად ))) Times Square – ნამდვილი სიგიჟე M&M’s – აი, რა მიყვარს)
+4
