როდესაც ამერიკაში იქნებით, აუცილებლად გექნებათ გასაკეთებელი საქმეების სია. მაგალითად, თუ DC-ის მიდამოებში ხართ, აუცილებლად გასინჯეთ კიბორჩხალა ან ლობსტერი. მათ ასევე აქვთ ცნობილი სუნელი „Old Bay“, მას სპეციფიკური გემო აქვს, მაგრამ ფრისთან ერთად ღვთაებრივია. აუცილებლად უნდა გასინჯოთ „Buffalo Wings“, „Ranch“ სოუსი და Cheese Steak სალათის ფოთლით, პომიდვრით და შემწვარი ხახვით. მიირთვით „Dunkin Donuts“-ის დონატები. თითოეულმა თქვენგანმა უნდა შეუკვეთოთ McChicken „McDonald’s“-ში, რადგან ის მხოლოდ 1 დოლარი ღირს. შეიცანით „Ginger“-ის ლიმონათისა და „Dr. Pepper“-ის გემო. მოაყარეთ პიცას წითელი წიწაკა და Parmesan cheese, თითქმის ყოველდღე მიირთვით Turkey Sandwich და გაიგეთ განსხვავება American და Provolone cheese-ს შორის. ამერიკის შესახებ ჩემი მოლოდინები გამართლდა, უფრო მეტიც, გადააჭარბა კიდეც. შესაძლოა, ის ყველასთვის არ არის, მაგრამ მე ძალიან მომეწონა. „ამერიკა გიხდება“, - მეუბნებოდა ბევრი და მართლებიც იყვნენ. მე ძალიან მიყვარს ამერიკული კულტურა და თავად ხალხი. ისინი თავისუფლები და უბრალოები არიან. არავინ განგიკითხავთ, ყველა თავისი ცხოვრებით ცხოვრობს. ხალხი ძალიან კეთილია, სურთ გაგიცნონ, გაიგონ შენი ქვეყნისა და კულტურის შესახებ. ასევე შევამჩნიე, რომ ამერიკელი თინეიჯერები არ არიან კომუნიკაბელურები. უფროსები კი პირიქით. თუ დაუმეგობრდებით ვინმეს, ვინც ორმოცდაათ წელს გადაცილებულია, ისინი თქვენზე ისე იზრუნებენ, როგორც საკუთარ შვილზე. საბედნიეროდ, მთელი ზაფხულის განმავლობაში არანაირი ნეგატიური ემოცია არ განმიცდია, ამიტომ განწყობა ყოველთვის კარგი მქონდა. ჩემი აზრით, Work and Travel USA პროგრამა არის წარმოუდგენლად მაგარი შესაძლებლობა, წახვიდეთ ამერიკაში და გაეცნოთ მათ კულტურას. ეს არის J-1 Visa-ს მიღებისა და იქ სამ თვეზე მეტხანს დარჩენის ერთ-ერთი ყველაზე მარტივი გზა. თუ ეს თქვენი ოცნებაა, მაშინ ყველაფერი უნდა გააკეთოთ მის მისაღწევად. ბოლოს და ბოლოს, ეს არის შესაძლებლობა, რომელიც ცხოვრებაში ერთხელ ხდება. სცადეთ, ნუ შეგეშინდებათ! თუ არ გამოგივათ, კიდევ სცადეთ. ასეთი ზაფხულის შემდეგ რჩება დაუვიწყარი მოგონებები, მეგობრები მსოფლიოს სხვადასხვა კუთხიდან და, რა თქმა უნდა, ფასდაუდებელი გამოცდილება.
+3
