Երբ դուք լինեք Ամերիկայում, անպայման կունենաք անելիքների ցանկ։ Օրինակ, եթե լինեք Կոլումբիայի շրջանում (DC), անպայման փորձեք խեցգետիններ կամ օմարներ։ Նրանք ունեն նաև հայտնի «Old Bay» համեմունքը, այն յուրահատուկ համ ունի, բայց ֆրիի հետ աստվածային է։ Պարտադիր փորձեք «Buffalo Wings», «Ranch» սոուսը և Cheese Steak՝ հազարով, լոլիկով և տապակած սոխով։ Կշտացեք «Dunkin Donuts»-ի դոնաթներով։ Ձեզանից յուրաքանչյուրը պետք է պատվիրի McChicken «McDonald’s»-ից, քանի որ այն ընդամենը 1 դոլար արժե։ Բացահայտեք «Ginger» լիմոնադի և «Dr. Pepper»-ի համը։ Պիցցայի վրա լցրեք կարմիր պղպեղ և Parmesan cheese, գրեթե ամեն օր կերեք Turkey Sandwich և հասկացեք American և Provolone cheese-ի տարբերությունը։ Ամերիկայի մասին իմ սպասելիքները հաստատվեցին, նույնիսկ գերազանցեցին։ Հնարավոր է՝ այն ամենի սրտով չէ, բայց ինձ դուր եկավ։ «Ամերիկան քեզ սազում է», - ասում էին ինձ շատերը, և նրանք ճիշտ էին։ Ես այնքան եմ սիրում ամերիկյան մշակույթը և հենց մարդկանց։ Նրանք ազատ են և պարզ։ Ոչ ոք քեզ չի քննարկի, յուրաքանչյուրն ապրում է իր կյանքով։ Մարդիկ չափազանց բարի են, ուզում են իմանալ քո, քո երկրի և մշակույթի մասին։ Ես նաև նկատեցի, որ ամերիկացի դեռահասները շփվող չեն։ Իսկ մեծահասակները, ընդհակառակը։ Եթե ընկերանաք հիսուն տարեկանից բարձր մեկի հետ, նրանք կհոգան ձեր մասին ինչպես իրենց երեխայի։ Բարեբախտաբար, ամբողջ ամառվա ընթացքում ես որևէ բացասական հույզ չեմ ապրել, այդ պատճառով էլ տրամադրությունս միշտ լավ էր։ Իմ կարծիքով, Work and Travel USA ծրագիրը անիրական հիանալի հնարավորություն է Ամերիկա մեկնելու և նրանց մշակույթը ճանաչելու համար։ Սա J-1 Visa ստանալու և այնտեղ երեք ամսից ավելի մնալու ամենահեշտ եղանակներից մեկն է։ Եթե դա ձեր երազանքն է, ապա պետք է ամեն ինչ անեք դրան հասնելու համար։ Չէ՞ որ սա հնարավորություն է, որը լինում է կյանքում մեկ անգամ։ Փորձեք, մի վախեցեք։ Չի ստացվի, նորից փորձեք։ Նման ամառվանից հետո մնում են անփոխարինելի հուշեր, ընկերներ աշխարհի տարբեր ծայրերից և, իհարկե, անգնահատելի փորձ։
+3
