ცოტა რამ ისტორიიდან. ქეიფთაუნი აღმოაჩინეს მე-15 საუკუნეში ევროპიდან ინდოეთისკენ მიმავალი ახალი სავაჭრო გზის ძიების წყალობით. სახელი ქეიფთაუნი (Cape Town) ითარგმნება როგორც „კონცხი-ქალაქი“, რომელიც მდებარეობს კეთილი იმედის კონცხის კიდეზე. დღეს ქეიფთაუნში 4 მილიონზე მეტი ადამიანი ცხოვრობს. ეს არის საპორტო ქალაქი სამხრეთ აფრიკის რესპუბლიკის სამხრეთ-დასავლეთით, რომელიც მდებარეობს ქეიფის ნახევარკუნძულზე და გარშემორტყმულია ატლანტის ოკეანის წყლებით. ქალაქის თავზე აღმართულია მაგიდა-მთა, რომლის ბრტყელ მწვერვალზე საბაგირო გზა მიდის. იქიდან იშლება განსაცვიფრებელი ხედი ქალაქზე, ნავსადგურზე, სადაც იახტები დგას და რობენის კუნძულზე, რომელიც ცნობილია თავისი მუზეუმით იმ სამარცხვინო ციხის შენობაში, სადაც ოდესღაც ნელსონ მანდელა იყო დატყვევებული. ჩემი საყვარელი საქმიანობა სავაჭრო ცენტრში სიარული იყო, იქ შეიძლება გემრიელად ჭამა, ფულის უსაფრთხოდ გადაცვლა და, რა თქმა უნდა, შოპინგი. ქეიფთაუნში არის 2 დიდი სავაჭრო ცენტრი: Victoria Wharf Shopping Centre და Canal Walk. გირჩევთ ორივეს ეწვიოთ, პირველი კი პორტთან მდებარეობს და იქიდან ოკეანის ულამაზესი ხედი იშლება. ერთხელ გაგვიმართლა და მოვხვდით Maroon 5-ის კონცერტზე Cape Town Stadium-ში (სწორედ იმ სტადიონზე, სადაც 2010 წლის ფეხბურთის მსოფლიო ჩემპიონატი გაიმართა)! ასევე, იქ ყოფნის დროს მოვასწარი მენახა The Cape of Good Hope, Boulders Beach (პლაჟი, სადაც 1982 წლიდან პინგვინები ცხოვრობენ), Bo-Kaap (ქეიფთაუნის ფერადი სახლების უბანი).
+1
