Сана: Саяхат нұсқаулығы, бағалар және тегін тұру · 2026

Өміріміздегі кейбір шешімдер уақыт өте келе біздерді өкіндіріп жатады, бірақ адам баласын еш өкіндірмейтін бір нәрсе бар, ол-саяхат. Саяхаттау үшін жиған-терген ақшаң мен алтындай қымбат уақытыңды құртсаң да артық етпейді. Дүние-мүлікті өмірдің әрбір кезеңінде таба аласың, алайда жалындаған жастық шақта өткізген ерекше сәттер алтыннан да қымбат. Ел аралап, жер көру өмірдің жарқын тұстарын көрсетіп, сан кітаптар мен университеттер бере алмас, баға жетпес білімімен көзқарасыңды кеңейтеді. Қартайған шағымда өткен өміріме тек сүйсіне қарап, үлкен-кішіге шынайы баяндап беру үшін арманымдағы өмірге деген алғашқы қадамды дәл қазір бастауым керек деп ойлаймын. Талай елдерге саяхаттаған адамдарды естіп-көріп жүрсем де , әрбір адамның саяхаттауға шексіз мүмкіндігі бар екенін Түркияға алғаш аяқ басқан сәтте түсіндім. Фильм мен сериалдардан көріп үйренген әсем табиғатты өз көзіммен көргенде, саяхат менің өмірімнің бір бөлшегі екеніне көзім жетті. Түркияның 5 жұлдызды отельінде жұмыс істеу барысында, жаңа мәдениетті сезіндім. Өзім бұрын соңды қонақ үй саласында жұмыс істемегендіктен, түрік тілін орта деңгейде білсемде, мен өзіме сенімсіз болып жұмысқа кіріскен едім. Әрдайым жұмыс басталудан бұрын қобалжуды сезінетінмін. Бірде маған ресторан ішінде жауапты жұмыс тапсырылды да: -Қанша уақыт керек?-деп сұрады. -30 минут,-деп жауап бердім де, жұмысқа кірістім. Бар жауапкершілікті өз мойныма алғандықтан, жұмысты тыңғылықты етіп орындауға тырыстым. Жарты сағаттан кейін шеф келіп, менің жұмысымнан қателік таба алмады. Содан соң: -Afferin (жарайсың),- деді. Дәл осы сәтте менің бойыма сенімділік ұялады. Осылайша уақыт өте келе, мен ресторан шефтері мен жанымдағы коллегаларымнан тек жылы сөздер ести бастадым. Менің жұмысты жақсы істейтінімді айтып, менімен бірге жұмыс істеуге асығатын жағдайға жетті. Осылайша Түркия маған сенімділік сыйлап, мен өз қабілетімді бағалауды үйрендім. Басқа елге саяхаттап бару біздерді бақытқа бөлей түседі, десе де сол елде бірнеше ай өмір сүріп, өзге ұлттың өкілдерімен бір жерде тамақтанып, бірге қуанып, бірге мұңайып-сырласқан сәттерді ештеңемен айырбастау мүмкін емес. Дәл сондай сәтте қандай ұлт болсақ та, бәріміздің жер планетасында өмір сүретін “адам” деген жаратылыс екеніміз тағы да еске түседі. Осындай сезімдерден кейін мен «саяхаттау үшін берілген әрбір мүмкіндікті пайдалануым керек» деген шешімге келдім. Қазіргі кезде студенттерге беріліп отырған ерекше мүмкіндіктің бірі - Work and Travel бағдарламасы. Бірнеше жылдар бұрын шет елге шығу, жұмыс жасау , саяхаттау сынды мәселелер мүмкін еместей болып көрінетін, бірақ қазіргі кезде әрбір адам материалдық жағдайына қарамастан өз өмірін осындай бағдарламалардың арқасында өзгерте алады, дами алады және саяхаттай алады. Жастардың сана -сезімін оятып қана қоймай, саяхаттың маңыздылығын көрсете отырып, қомақты қаржы табуға көмектеседі. Бағдарламаның арқасында жыл сайын көптеген студенттер Нью Йорк көшелерін аралап, Голливуд киноларында көрген тарихи жерлерге өз ізін қалдырып, ерекше сезіммен елге оралуда. Бағдарлама арқылы менде өзімнің бірнеше арман-мақсатымды шындыққа айналдыруды көздеймін. Әрине, Американы көру кімнің де болмасын арманы, мен де осы жылғы мақсаттарымның тізіміне мұны қосып қойған болатынмын. Қиындық пен қорқынышсыз жетістіктің келмейтіні белгілі, жұмыс барысында да әртүрлі проблемалар туындауы мүмкін, бірақ үйден ең алғаш ұзағанымда, Астанаға үреймен оқуға кеткенімде, Түркияға тәуекел етіп кеткен сәттерімде де ішімдегі бір күш мені әрдайым алдыға итермелеген еді. Дәл қазіргі сәтте де Америкадай алпауыт елде жұмыс істеп-саяхаттауға дайын екенімді сезінемін. Ағылшын тілінде тұрғындармен сөйлесіп, өзге ұлт өкілдерімен танысып, миымдағы кейбір стеротиптерді жойсам деймін. Өз ортамды кеңейтіп, жаңа достар тауып , әртүрлі адамдармен араласқым келеді. Өзге елді танып-біліп қана қоймай, еліміздің әсем табиғаты, қонақжайлығы мен дәмді тағамдарымен бөлісіп, “Қазақстан” деген ел туралы түсінік қалыптастыруға бар күшімді салуды жоспарлаймын. Мамандығым туризм болған

OOOralbek Otegulov2015 ж. 30 қар.Оқу

Екі айдан астам уақыт 3 жерде жұмыс жасаған мен, біраз ақша жинап алған соң саяхаттау туралы да ойластыра бастадым. Менің ең басты арманым АҚШ астанасы Уашингтонды көру еді. Жұмысбасты болып жүріп шілде айында шіркеудің ұйымдастырған «Church trip-тен» де қалып қойдым. 20 тамыз күні Пенсильвания штатындағы Ланкастер деген жерде жұрттың бәрі «Amish peolpe» деп атап кеткен неміс анабаптистерінің қонысы Dutch Country-ге бардық. Мені ең қатты таң қалдырған нәрсе де осы болды. Маған сол уақытқа дейін біреу «21 – ғасырда, өркениеттің қайнаған орнасында бір топ қауым өркениеттің барлық жетістіктерінен саналы түрде қол үзіп, ортағасырлық өмір салтымен өмір сүріп жатыр» десе ешқашан сенбеген болар едім... Бірақ мұндай да ғажайыптың бар екеніне 2014 - жылдың 20 тамызы күні көзім жетті. Еуропадағы Реформация және одан кейінгі дәуірлерде христиан шіркеулерінің билігі дүрілдеп тұрған заманда діни бостандық іздеп өз елдерін тастап кеткен адамдардың алғашқы легі 1715 – жылы осында келген екен. Жалпы Американың өзін бостандық іздеген адамдар құрған. Елдегі шіркеудің қатаң билігіне шыдай алмаған бір топ адам 1620 – жылы көктемде «Mayflower» деген кемеге мініп, Атлант мұхитымен батысқа қарай тартып отырды. Қазіргі адамдар «Pilgrim fathers» деп мақтанышпен еске алатын бір топ адам бүгінгі Американың негізін қалады. Мұнда барлық адамға өмір сүруге мүмкіндік бар, бірақ мені үшін туған жерім қымбат... Пилгрим әкейлердің артынан Еуропаның өзге де елдерінен бостандық іздеген әртүрлі топтар келе бастады. Мұнда алғаш аяқ басқан голландықтар 1624 – жылы үндістерден кішкене ғана аралды қазіргі ақшамен есептегенде 24 долларға сатып алыпты. Оны да олар ақшамен бермеген. Моншақ, ыдыс сияқты ұсақ-түйек заттарға айырбастапты. Және сол жерде бүгінде әлемнің астанасы деуге әбден лайықты қала бой көтерді. Бұл Нью-Йорктің жүрегі Манхэттен аралы болатын. Ал әлі анабаптистерге келер болсақ, олардың да жайы бір төбе. Олардың алғашқы келген буынынан ұрпақ қалмапты. Себебі олардың барлығы аскет болыпты. Кейін келе олар өз қауым мүшелеріне үйленуге рұқсат беріпті. Содан кейін барып олар көбейе бастаған. Олар әлі күнге дейін ортағасырлық киім үлгілерін киеді және өзге адамдармен байланысқа түсуден қашады. Біздің саяхат тобының жетекшісі, Пресбитериан шіркеуінің көмекші пасторы, тегі норвег Гаррез Тонненсен екеуіміз олардың қоныстарын тамашалап жүрген кезде кездейсоқ өтіп бара жатырған екі «Әмиш» қызды көрдік. Мен фотоаппаратымды алып суретке түсіріп, әңгімелесін ғой деп ыңғайланып оларға қарата: «Excuse me, girls?» деп айқайлап едім, олар мені естейін жағдайда болса да құлақтарына ілмей кете барды. Пастор Гаррез «Олар ешкіммен сөйлеспейді» деді. Өркениетті ортада бір-бірімен жарысып ойнап жүрген 14-15 жас шамаларындағы екі қыз тұман ішінде адасып жүрген екі әруақты елестетті менің көз алдыма. Иә, расымен де адам таң қаларлық жағдай. Қазір айтсам сенбейтін шығарсыздар, олар біз қолданатын барлық жетістіктерден бас тартқан. Сағат, неке жүзігі, галстук, жаңа үлгідегі киімдер дегендерің бәрінен мүлде бас тартқан. Көлік мінбейді, электро-техникалардың біреуін де, тіпті электр жарығын да пайдаланбайды. Барлығын қолмен жасайды. Суды да құдықтан тартып ішеді. Америкада олардан бай адамдар жоқ екен. Бай болмағанда қайтсін, шетінен еңбекқор және артық шығыны жоқ болса. Олар той жасағанда барлық қауым мүшелерін шақырып аста-төк үлкен дастархан жаяды екен. Бұл жағынан аздап қазаққа келіңкерейді. Бірақ бәрібір менің санам олардың өмір салтын қабылдай алмады. Адамдардың айтуынша өздерінің жеке мектептері бар, ол мектептерде тек қарапайым арифметика негіздерін, ағылшын тілін, неміс тілін және көне неміс тілін ғана оқиды. Америкада тұрып жатырса да, өздерінің неміс тілдерінде сөйлейді. Олардың күні таңертең шіркеулерінде көне неміс тілінде құлшылық етуден басталады екен. Мұндай әртүрлі діни азшылықтарды әлемнің әр түпкірінен кездестіруге болады. Мысалы: Армениядағы «Молокандар», Ресейден қуғындалған «Староверлер» т.б. толып жатыр. Оған Грекиядағы монастыр мекендеушілерін де қосуға болад

HKHanna KhrutskayAnna1987 · 2009 ж. 30 қаз.Оқу

Сан-Франциско – кемпірқосақтың барлық түстері!!! Сан-Франциско – LGBTQ+ қауымдастығы өкілдері үшін тамаша орын. Егер қаламен танысуды оның ең биік нүктесі – Твин Пикс (Twin Peaks) төбесінен бастасаңыз, онда сол жерден кемпірқосақ түстес жалаушаларды бірден байқайсыз. Мұндай жалаушалар қаланың тұтас бір ауданын – Кастроны (Castro) безендіріп тұр, ол өздерінің жыныстық қалауларын жасырғысы келмейтін адамдарға толы. Әдетте, бұл адамдар өте ауқатты, өздеріне және мансаптарына көп уақыт бөледі, сондықтан бұл ерекше аудан бұрын-соңды болмаған қарқынмен өсіп келеді және жақын арада бүкіл қаланы жарқын жалаушалар мен бір жынысты жұптар жаулап алатындай әсер қалдырады. Сонымен қатар, жақында ғана Сан-Франциско хиппилер қаласы болып саналатын. Ал қазір ол өткен шақтан негізінен пацифистік белгілері бар көптеген кәдесыйлар мен сол сияқты заттар ғана қалды. Сан-Францискода көшеде ұйықтап, көлік жүргізушілерінен қайыр сұрайтын үйсіздер көп. Үйсіздердің өздері бұл өмірге тағдырдың қатыгездігінен емес, өз қалауларымен келгендерін жасырмайды. Кез келген сәтте олар түзу жолға түсе алады, билік оларға жұмыспен және барлық қажетті заттармен көмектеседі. Бірақ әркім өмірде өз жолын таңдауға құқылы. Басқа көптеген американдық қалалардан айырмашылығы, Сан-Франциско «сұр және шаршы» емес, түсті, ұқыпты үйлері, көптеген гүлдері және әйгілі қызыл трамвайлар жүретін төбелері бар қала. Осы сұлулықтан бөлек, Сан-Францискода жалықтырмайтын көптеген қызықты орындар бар: 39-шы пирстегі (Pier 39) аквариум, жалқау теңіз мысықтары бар Fisherman’s Wharf, аквариумдарды, ғарышты, сирек кездесетін жануарларды, өсімдіктерді және т.б. сүйетіндерге арналған Californian Academy of Science, сондай-ақ бұған қызықпайтындар үшін де бару өте қызықты болатын көптеген мұражайлар. «Денеңді түршіктіретін» жерлерді ұнататындар Сан-Франциско жағалауынан көрінетін жеке аралда орналасқан ең қауіпті қылмыскерлерге арналған бұрынғы түрме – әйгілі Alcatraz-ға бара алады. Мейрамхана бизнесінің барлық көріністеріне қызығушылық танытатын адамдар үшін нағыз джунгли ретінде безендірілген, мазасыз жабайы жануарлары бар (фантастика жанрынан бірдеңе) «Rainforest Cafe» мейрамханасына және әйгілі шоколад фабрикасының «Ghirardelli» кафесіне бару міндетті. Қаланың сұлулығын 2 алып көпір – Golden Gate Bridge және Bay Bridge аяқтайды. Түнде көптеген алтын шамдармен жарықтандыру бұл көпірлерді қаланың нағыз тәжіне айналдырады.