Sola: Саяхат нұсқаулығы, бағалар және тегін тұру · 2026

ASAyaulym Seidollaayaulym210103 · 2023 ж. 10 қаң.Оқу

«Әлемді өзгерткің келсе, алдымен өзіңнен баста» М.Ганди Әрбір адам әрдайым жақсырақ болуға, күштірек болуға, жасырақ болуға, әдемірек болуға ұмтылады. Өзін де, айналасын да, өмірін де қаншалықты мүмкін болса, соншалықты жақсы жаққа өзгертіп тұрғысы келеді. Оған мысалға, адамдар әрдайым дәрежесі жоғарырақ жұмысқа ұмтылады, көбірек жалақы алғысы келеді, тіпті ұялы телефоны ескірмесе де, жыл сайын жаңа моделін алуға тырысады. Мен де сондай көптің бірі едім. Мен де өзімде бар ресурстармен өміріме азық болатын, тың идеялар алып келетін, бастысы менің өмірге көзқарасымды үлкенірек градустағы бұрыштарға өзгертетін мүмкіндіктер іздедім. Сол себепті де, 2021-дің 9-қазаны күні студенттік өмірімнің алғашқы дебат турнирінен қайтып келе жатқан сәтімде Work and Travel бағдарламасының сол жылғы түлегіне кезігіп, үлкен қадам жасауға бел будым. Ал, жалғыз қызын қарлы Қарағандыдан оқуға, тіпті, Алматыға жібергісі келмеген анамды көндіру бір апта уақытымды алды. Бұл мақсат та орындалған соң, белін буған Аяулым ең бірінші қадамды паспорт жасатудан бастады… Бағдарламаға тапсырып жатқанда да, тіпті виза алғанда да АҚШқа баратыныма, ол жерді көретініме сенбедім. Мен үшін, отбасында әлі ешкім шетел көрмеген қарапайым ауылдың қара қызы үшін бұл мүлдем мүмкін емес арман еді. Барғым келген бірінші себебім, өзіме шетелге шығудың мүмкін екенін дәлелдегім келді. Менің талай армандарым бар, анама барлық әлемнің жақсыларын көрсетем деген, ал мен сол арманымның орындалатынына сену үшін бірінші шетелге шығып көруім керек болды. Екіншіден, мен өмірге мүлде бөлек призмамен қарайтын адамдармен танысуды армандадым. Олардың санасы көзін ашқаннан бері басқа менталитетте, басқа қоғам мен ортада тәрбиеленді. Ойлап қараңызшы, біз үшін жаңа адамдарда, біз үйреніп кеткен достық құндылығының мағынасы мүлде бөлек. Олардың тамақ ішу әдебі де, тіпті амандасу әдебі де мүлде басқа. Құдды басқа әлемге түсіп кеткен сияқты сезім. Олармен араласа келе олардың әрбір ұсақ дүниелерге қандай көзқараспен қарайтынын байқайсың, мүмкін сен үшін маңызсыз дүние олар үшін барлық әлемге тең? Осы сияқты мың құбылған сұрақтар менің санама тыныштық бермеді. Ол әлемді қатты аңсағаным соншалық, өмірімде болып жатқан әрбір ситуацияға басқа менталитетте өскен адам қалай реакция беруші еді деп миымда елестету мен үшін әдет болып қалды. (Мүмкін визуализация деген осы ма?) Ал, менің құрылғалы жатқан карьерама жаңа таныстықтар мен достық, тіпті жаңа мекен болашақта алдыма келетін әртүрлі мінезді оқушыларды оқыту, тану үшін бұл бағдарлама беретін тәжірибе шексіз болып көрінді. Мен қаншалықты көп мекенге барып, адамдарды барынша тануға тырыссам, соншалықты маған әртүрлі оқушыларымды да танып, оқыту оңайырақ болады. Көріп тұрғандарыңыздай, мен АҚШқа өте үлкен үміт арттым. Ол мені түгел өзгертеді, өмірімнің барлық сферасына жақсы әсер қалдырады деп сендім. Иә, солай болды да. Бара сала адамдар, көшелері, маған таңсық дүниенің барлығы мені жаңа өмірге үйрете бастады. Бірақ, мені қатты өзгерткен бұлардан мүлде басқа дүние… Мен барған Массачусетс штатындағы Плимут қаласында теңіз мейрамханасында жұмыс істеп жүргеніме небәрі 5-інші күн еді. Бірге тұратын, әрі бірге жұмыс жасайтын құрбыммен кешкі бестегі жұмысымызға жолға шықтық. Біз Кингстон атты қаладан 7 км қашықтықтағы Плимутқа велосипедпен баратынбыз жұмысқа. Веложолдар барлық жолда болмағандықтан біз тротуармен келе жаттық. 2-3 км жол жүрген кезде мен велосипедтің руліне ие бола алмай қалып, тротуардан автожолға, оң жақ тіземе құладым. Велосипед болса менің тіземе тура құлап, оң жақ тіземді асфальт пен велосипед темірі “сэндвичтап” құлады. Не болғанын толық түсінбеген мен тұра салып қанап жатқан аяқ-қолымды топырақтан тазарта бастадым. Велосипедіме қайта отырып, аяғымның ауырғанын да қатты сезбей жұмысқа бардым. Мен жұмыста пицца жасайтынмын, кешкі ауысымға барғандықтан, тапсырыстар көп келіп жатты. Құлаған кезде ойылып жыртылып қалған джинсымды тізеден жоғары етіп түріп жүрген едім, жұмыс уақытының 1 сағаты өткеннен кейін аяғыма қарасам, түріліп тұрған дж

BYBagdaulet Yerzhigitbagaerzhigit · 2022 ж. 18 жел.Оқу

МЕНІҢ ТАҢДАУЫМ WORK AND TRAVEL БАҒДАРЛАМАСЫ Е.Б. Ерғалиұлы 4-курс студенті Қазақтың спорт және туризм академиясы Кәсіпқой спорт жекпе-жек факультеті Мен Work and Travel бағдарламасы жайлы ақпарат айтатын боламын. Work and Travel бағдарламасы студенттердің 3 айлық демалысында саяхаттауға, жұмыс жасауға, жаңа нәрселер үйренуге, Американы көруге, танымал жерлерді аралауға және АҚШ мәдениетін танып білуге берілетін мүмкіндік. АҚШ консулымен әңгімелесу наурыз және мамыр айларында өтеді. Әңгімелесу кезінде Қазақстанға қайта оралатыныңызды дәлелдеуіңіз керек. Көптеген студенттер осы бағдарлама арқылы сол жақта қалып қояды. Егер барлық вакциналарды ережеге сай салдырып, бағдарламаның ақшасын толық төлесеңіз, АҚШ-қа демалысқа бара беруге болады. Басты нәрсені түсіндіретін болсам, төлемнен кейінгі ең маңызды бөлігі — әңгімелесу; бәрі соған байланысты, ал сүріну мүмкіндігі жоғары, сондықтан ағылшын тілін үйрену керек. Бағдарламаға қатысу — 18 жасқа толған әрбір студентке берілетін мүмкіндік. Бұл бағдарлама мен үшін үлкен мүмкіндік; осы бағдарлама арқылы мен өз арманыма қол жеткізе аламын. Мен әрдайым кәсіпқой боксшы болуды армандайтынмын. Америка — кәсіпқой боксшылардың отаны. Онда мықты боксшылар бар, АҚШ-та кәсіпқой боксшылармен кездесуге болады. Бағдарламаға қатысу арқылы мен жаңа нәрселер үйренемін, ағылшын тілін жетілдіремін, бұл менің болашақ карьерама үлкен әсерін тигізеді. Өйткені мен ол жақтан жаңа кәсіп түрін үйреніп, Қазақстанға алып келе аламын. Өз кәсібімді Қазақстанда бастасам, бұл мен үшін жеңіс. Осы бағдарлама арқылы мен үлкен жетістіктерге жетемін. Біріншіден, ағылшын тілін үйренемін, жетілдіремін. АҚШ-қа барамын; ауылдан келген мен үшін бұл үлкен мүмкіндік. Жақсы жұмыс жасап, тіпті үйленіп те алуыма болады. Немесе өзім бір кәсіп түрін үйреніп, өз бизнесімді ашсам болады. Жаңа орта, жаңа мәдениет мені жаңа адам ретінде өзгертеді деп ойлаймын. Егер мен студенттердің алмасу орталығында басшы болсам, студенттерге барынша көп жеңілдіктер жасар едім. Студенттердің қызығушылығын арттыру үшін түрлі ойындар ұйымдастырар едім. 20-50 жылда бағдарлама қалай өзгеретінін елестете алмаймын. Бірақ студенттерге бару жеңіл болады деп ойлаймын. Студенттер алмасу бағдарламасы келешекте жақсы дамиды. Студенттер көбейеді деп ойлаймын. Өйткені бағдарлама — АҚШ-қа баруға және өзіңді дәлелдеуге берілетін өте тиімді мүмкіндік. Жаңа өмірге берілетін билет деп айтсам болады. Менің АҚШ-та саяхаттағым келетін қалалар — Нью-Йорк және Лос-Анджелес. Мен 3-курсымда бағдарламаға тапсырып көрдім, бірақ өте алмадым, өйткені ағылшыным нашар еді және өзіме сенімсіз болдым. Солай енді 4-ші курс оқимын Спорт және туризм академиясында. Енді осы жылы бағдарламаға қайта тапсырдым. Бұл жылы бәрі басқаша болады деп ойлаймын. Менің сүйікті боксшым жайлы айтып кетейін, ол — Мэнни Пакьяо. Мэнни Пакьяо Wild card бокс клубында дайындалатын. Ол жердегі жаттықтырушы Фредди Роуч көптеген чемпиондарды дайындап шығарған. Атап кететін болсам: Амир Хан, Бернард Хопкинс, Мигель Котто, Микки Рурк, Оскар Де Ла Хойя, Владимир Кличко, Мэнни Пакьяо. Кәсіби бокс жұлдыздарын дайындап шығарған жаттықтырушы. Фредди Роучтың қысқаша өмірбаяны: Бірнеше жыл Эдди Футчтың көмекшісі болып жұмыс істеді. Қазіргі уақытта Роучтың жеке жаттығу залы бар, Лос-Анджелестегі Wild card бокс клубы, онда ол ағасы Пеппермен бірге жұмыс істейді. Өзінің мансабында Роуч көптеген көрнекті спортшылармен жұмыс істеді. Ол ең үлкен жетістікке филиппиндік боксшы Мэнни Пакьяомен бірге жетті. Өзі де кезінде кәсіпқой боксшы болған. Фредди Роуч паркинсон ауруымен ауырады, атақты Мухаммед Али ауырған аурумен. Енді өзімнің сүйікті боксшыма оралайын, Мэнни Пакьяо — филиппиндік боксшы, әлемнің 8 салмақ дәрежесі бойынша чемпионы. Ол жай ғана чемпион емес, өз елінде көптеген үйлер салып беріп, көптеген игі істер жасаған тұлға. Ол бокстасқан кезде Филиппин елінде ұрлық, бұзақылық істер тоқтап қалады екен, оны өз елінің азаматтары «Эффект Пакьяо» деп атайды екен. Менің сүйікті спортшым осы боксшы. Мен осы Wild card залына барғы

OOOralbek Otegulovjohnfkennedy · 2015 ж. 30 қар.Оқу

Америка қызықтары ешқашан да таусылмайды және ол ешкімді де жалықтырмайды. Ол жаққа барғаннан соң көп уақыт өтпей өзіме жаңа дос таптым. Ол қырғыз баласы Эльзар Исаев еді. Мен оны алғашында қазақ деп ойлағанмын, сөйтсем қырғыз екен. Оның көп оқитыны, жан-жақтан хабары бар екені көрініп тұрды, бірақ дезинформация оның санасын әбден улап тастаған. Мен оған қазақша сөйлесем, ол маған қырғызша сөйлейтін. Бір-бірімізді 70-80 пайыз түсінеміз, түсінбей қалған жеріміз болса ол орысша, мен ағылшынша айтатынмын. Осыдан кейін мен қазақ халқы мен қырғыз халқының арасында айтарлықтай айырмашылық жоқ екеніне көзім жетті. Маймыл мен адамның да ұқсастығы 99 пайыз, айырмашылығы 1-ақ пайыз екен. Осы бір пайыздың өзі маймылдың адамға айналдыра алмайды. Сол сияқты екі халықтың арасындағы сәл ғана болса да айырмашылық қырғызды ешқашан қазақ етпейді. Қазақпен қырғыз ешқашан да бір тудың астында болған жоқ. Бәлкім 1-2 ғасыр бір тудың астында өмір сүргенде айырмашылық ұлғаймас еді. Оның үстіне қазіргі Қырғызстанда аса қауіпті идеологиялық процесс жүргізілуде. Қырғыз тарихшылары мен идеологтары әлде популизм үшін бе, әлде мемлекеттік тапсырыс солай ма, әйтеуір ойларына не келсе соны жаза беретінге ұқсайды. Эльзардың сөзінен ұққаным ол жақта қазаққа қарсы идеология қалыптасып келе жатырғанға ұқсайды. Оларға салса жер бетінің бәрі қырғыздан тараған екен. Қырғыздар ежелден келе жатырған ұлт, олар түркі тайпаларына да жатпайды екен. Тек сол кездегі қырғыздар түркілердің бодандығын қабылдап қойыпты-мыс. Эльзардың айтуынша біздің соңғы ханымыз Кенесары қырғыздарды басып алуға келіпті-міс. Қырғыздар Кенесарыдан елдерін қорғап, сол үшін оны өлтіріпті-міс. Не деген сұмдық дезинформация мынау?! Біраз тақырыптарға келгенде біраз дауласып та қалдық. Мемлекеттік деңгейде осындай идеология жалғаса беретін болса өз халқын өзі зомбилап жіберетін түрі бар көрші елдің. Мұның соңы фашизмге әкеліп соқтыруы әбден ықтимал. Кейбіреулер ойлайтын шығар, кіп-кішкентай Қырғызстан бізге не істей алады дейсің деп. Кезінде 5 миллионға жетпейтін халқы бар кіп-кішкентай Финляндияның 140 миллион халқы бар Кеңестер Одағына тегеурінді қарсылық көрсетіп, қарсы тұрғанын ескерсек бұған бей-жай қарауға болмайды. Сондықтан да болашақта елімізге қырғыздардан да қауіп төнуі әбден мүмкін. Бірін айтып біріне кетеміз, сол Эльзармен кейін бір жерде бірге жұмыс жасадық. Бір күні түн ортасында жұмыстан қайтып келе жатырсақ көшеде ғимараттарды суретке түсіріп, өз-өздерімен мәз болып екі қыз жүр. Мен бірден мылар қазақ қызар ғой дедім. Эльзар сенбейді. Сөйтіп жақындап барсақ расымен де қазақтар екен. Біреуі Алматылық Айсұлу, екіншісі Керекулік Анастасия Глухарева. Көрші Нью-Джерси штатындағы Уайлдууд қаласында жұмыс жасайтын қыздар бір күнгі демалыстарын пайдаланып Дэлауэрге саяхаттап кетіпті. Төртеуіміз менің үйімнің қасында тұратын 24 сағат жұмыс жасайтын кафеге барып таң атқанша отырдық. Содан кейін Атлант мұхитының жағасына барып таңның атуын қарсы алуға шешім қабылдадық. Мұхиттың үстінен көтерілген таңның шапағы расымен ерекше әдемі болады екен. Мен өмірімде алғаш рет таңның атуын қарсы алдым. Бұл 2014 – жылдың 23 шілдесің атқан таңы болатын...

OOOralbek Otegulovjohnfkennedy · 2015 ж. 29 қар.Оқу

America was created for everyone and it is full of fun. You can live there as you want. Of course under the American laws. You have the rights and duties. If you are under 21, you can’t drink alcohol. It’s prohibited by Federal law. During my trip in America I found a lot of friends from different countries of the world. Most of my friends are from Bulgaria, Ukraine, Moldova, Romania and Turkey etc. We are still keeping in touch. Some of them invited me to see their countries. And I decided to write something about them. The first person who I met in Rehoboth Beach was Mirela Balan – helpful Balkan girl. She is very friendly, intelligent, attractive, beautiful and clever. She is from Romania and she has been living in America for some years. When I was working in Corner Grille as kitchen assistant, she also worked there as waitress. She is really nice person and true friend. I dream to see her again and I believe that my dream will come true in one day… Рехоубас Бич әлемнің әр түпкірінен келген студенттерге толы. Көпшілігімен көшеде, автобустарда, шіркеулерде танысамыз. Келесі танысқан достарым Болгариядан келген Моника Магеранова мен Диди Илиева болды. Біз «Walmart» супермаркетіне бара жатырғанда таныстық. Моника маған телефон таңдауға көмектесті. Оған дейін 3-4 күн телефонсыз жүрдім. Иә, телефонсыз жүру де оңай шаруа емес екен. Осы кезде мен біздің өміріміз ұялы телефонға әбден байланып қалғанын түсіндім. Елде жүргендебір жағдай болса болды, бірден телефонға жүгіреміз. Осы әдетіме басып мен де қалтамда тұрған ұялы телефоныма жармасамын, қолыма алып, бетіне бір қарағаннан кейін барып оның бұл жерде маған көмектесе алмайтынын түсінемін. Сол кезде ғана барып ояндым. Айнала қаптаған адамдар болса да, менің жаным жалғыздықты сезінді. Менің ол жақта расымен де ешкімім жоқ еді. Ең болмағанда қолымда Wi-fi ұстап интернетке кіретін телефонымда жоқ. Басқаларының қолында ең болмағанда осы телефондары болды ғой. Ал менде мүлде ештеңе де болған жоқ. Ешкім үйретпесе де жылдар бойы тыраштанып үйренген француз тілінің мұндай пайдасы болмай қалды. Қолымдағы жалғыз қаруым ағылшын тілі ғана болды. Осы сәттен бастап мұның өте қуатты қару екенін түсіндім. Осы қаруды еркін меңгергенде ғана өмірім жақсара түсті. Иә, расымен де ағылшын тілі әлемдегі ең құдіретті қару. Осы қаруды әрбір қазақтың баласы жетік меңгерсе, бізді ешбір жау ала алмайды. Америкада көптеген адамдармен таныстым. Олардың бәрін жеке-жеке жазып отыру мүмкін емес. Солардың ішіндегі ең бір назар аударарлық дегендеріне ғана қысқаша тоқталып өтпекпін. Мен үшін ерекше әсер қалдырған адамның бірі Косовалық қыз Аржета Забели (Arjeta Zabeli) болды. Мен онымен 2014 – жылдың 20 тамызы күні Пенсильвания штатына барған кезде таныстым. - Hi! - Hi! - What’s your name? - Arjeta. - Oralbek.- - Nice to meet you! - Nice to meet you too! Where are you from? - Kosova. - Kosova? Oh, really? -Yes… Do you know Kosova? - Yes, I know Kosova. - Where is it? - It’s in Balkan Peninsula. Between Serbia, Albania, Montenegro and Macedonia. She was wondered and said: “You are the first person who knows Kosova. Nobody knows Kosova here”. - I know. It’s new country… That’s why most of people don’t know about it. - How do you know Kovosa? - I like politics. I know your President Ibrahim …(I couldn’t remember his last name) - Ibrahim? Our President is woman…. - I know. Your first President… Who was his last name…? - Do you mean Ibrahim Rugova? - Yes! Ibrahim Rugova. He was very nice person… Ол менің Ибрагим Ругова туралы да білетінімді білгенде қатты таң қалды. Себебі Тәуелсіздігін 2008 – жылы ғана алған Косова тұрмақ 1991 – жылы Тәуелсіздік алған Қазақстанның өзін Америкада көптеген адамдар біле бермейді. Білсе де кинодан ғана біледі. Иә, расымен де Ибрагим Ругова жақсы адам болды. Бірақ ол елінің Тәуелсідік алғанын көре алмай кетті. Тәуелсіздіктен 2 жыл бұрын 2006 – жылы 62 –ге қараған шағында дүниеден өтті. Мен сонау Балқан түбегінде орналасқан шағын ғана елдің адамдарын Америкада кездестіремін деп ешқашан да ой

ASAruzhan Sakypkereyesakypkerey · 2023 ж. 10 қаң.Оқу

Жалпы “Work and Travel” бағдарламасы дегеніміз не? Не себепті көптеген бакалавр, магистратура студенттері АҚШ-қа ағылуда? Қандай жақсы жақтары бар? Немесе қандай минустарын айтуға болады? Мен қарапайым, ҚР-ның Алматы қаласындағы Әл-Фараби университетінің магистранты боламын. Мысалы: “не үшін мен баруым керек?” деген сұраққа жауап берейін. Жалпы шет елге шығу, соның ішінде Америкаға бару ең басты арманым, мақсатым. Бакалавр кезінде иә, жай ғана арман болды. Мүмкін емес арман. Себебі екінің бірінің қолынан Америкаға бару бұйырмайды. Солай ғой? Ал қазір арман емес, мақсат. Себебі толықтай өзімді дайындадым. Ағылшын курсына жазылып, деңгейімді pre-intermediate-ке көтеріп, қазір intermediate деңгейінде білім алудамын. Иә, ағылшын оқымай бара салуға болады. Бірақ бұл маған керек пе? Менің барғандағы мақсатым, алдымен өзім армандаған мемлекеттің мәдениетімен танысып, халқымен емін-еркін тілдесу, сол жерге сіңісу болып табылады. Бұл менің бакалавр кезінде салған армандар картасы. Сіз сенесіз бе? Ең маңыздыларының бірі қылып Американы, соның ішінде Нью-Йорк қаласын бейнеледім. Ойлаңызшы, Таймс-скверде тұрып осының бәріне қол жеткізгеніңді сезінуді.. Ол әрине сіздің еңбек. Еңбекпен, алға ұмтылумен бәріне де қол жеткізуге болады. Бұл өмірде шектеу жоқ, шектеу тек біздің миымызда. Жоқ деген затымыздың иә болуы да өз қолымызда. Ойланарлық сөздер.. Басты мәні: басқаша болу. Басқалар сияқты емес. Көп ақша табыңыз, тіл үйреніңіз, жаңа адамдармен танысыңыз, дүниетанымыңызды кеңейтіңіз және көптеген таныстар қартайғанша баруды армандайтын жерде суретке түсіңіз. Сіздің қолыңыздан келеді. Айтып өткенімдей, қарапайым отбасында, ауылдық жерде өстім. Америка мен үшін тіпті армандауға да қиын болды. Сенесіз бе? Өзімді қалай шектегенімді? Ал қазір нық қадаммен менің қолымнан келетініне сенімдімін. Қазіргі “Work and Travel” бағдарламасы қандай? Мен әрине барып көрмеген адаммын, бірақ біраз мәліметтерді жинастырып жазуды жөн көрдім. Америка — бұл армандар, мақсатына тік тұрып өз-өзін дәлелдей алған студенттер мекені. Екінің бірінің қолынан келмейтінін бәріміз де анық білеміз. Ең бастысы қазіргі бағдарламамен барып келген студенттердің бейнесінен қуанышты, бақытты, өмірге деген құлшынысты анық көруге болады. Жақында менің досым барып келді. Білесіз бе, қандай бақытпен ол Америка жайлы айтқанын? Оның өмірі, өз-өзіне деген сенімділігі одан мың есе артты, тіпті сөйлеу мәнері, ойлауы, көзқарасы өзгерді. Міне, ең басты себеп осы емес пе? Америка адамды өзгертеді. Адамның көзін ашады. Елестетіңізші, Америка. Үлкен бір штатта. Қандай керемет! Иә, отбасыңды сағынарсың, қиын болар. Бірақ досым, сен Америкадасың! Тіпті елестетудің өзі керемет қой. Қандай плюстары бар? Егер де плюстары жоқ болса, ешкім бұлай ұмтылмас еді. Менің мақсатым — ол жаққа барып ақша табу емес. Мен әлі де жаспын, ақша тауып үлгеремін. Басты мақсатым — Америкада ұзақ уақыт өмір сүру. Қазір мендегі шанс, кейін болады деп ойлайсыз ба? Мүмкін иә болар, бірақ кім кепіл? Ал “Work and Travel” бағдарламасымен студенттер бара алады. Сол себепті де бұл шансты толықтай пайдаланғым келеді. Сонымен қатар жаңа орта табамын. Яғни, шет елдік азаматтармен араласып, достасатыныма сенімдімін. Ағылшын тілінде сөйлеп, деңгейімді көтеремін. Американың халқымен араласамын, сіңісемін. Өзім кішкентай кезімде кинолардан, мультфильмдерден көрген жерлерді өз көзіммен, шынайы көремін. Міне, осы үшін Америкаға бару тұрарлық. 30 немесе 40 жылдан кейін бағдарламаны қалай елестетемін? Өзің ұнатқан бағдарламаны әрине тек қана жақсы көзбен көресің. Болашақта да тек қана жақсы болатынына кепіл боласың. Алайда менің ойымша, бірнеше компаниялармен контрактқа отыруға, басқа да штаттарда жұмыс жасауға т.б. мүмкіндіктер болады. Бір жыл бұрын «жазды Америкада өткізіңіз» деген тіркес маған фантастикалық сериядан шыққан нәрсе болып көрінді. Студенттерден АҚШ-тағы жазы туралы таңғажайып әңгімелерін отты көздеріммен оқығаным есімде, мен осы керемет эмоцияларды өзім сезінуді армандаймын. Ішімдегі кішкентай Аружанның арманын осылай орынд