Ba: Саяхат нұсқаулығы, бағалар және тегін тұру · 2026

TTTogzhan Tursynalikyzyt_tursynalikyzy · 2023 ж. 05 қаң.Оқу

Өміріміздегі кейбір шешімдер уақыт өте келе біздерді өкіндіріп жатады, бірақ адам баласын еш өкіндірмейтін бір нәрсе бар, ол-саяхат. Саяхаттау үшін жиған-терген ақшаң мен алтындай қымбат уақытыңды құртсаң да артық етпейді. Дүние-мүлікті өмірдің әрбір кезеңінде таба аласың, алайда жалындаған жастық шақта өткізген ерекше сәттер алтыннан да қымбат. Ел аралап, жер көру өмірдің жарқын тұстарын көрсетіп, сан кітаптар мен университеттер бере алмас, баға жетпес білімімен көзқарасыңды кеңейтеді. Қартайған шағымда өткен өміріме тек сүйсіне қарап, үлкен-кішіге шынайы баяндап беру үшін арманымдағы өмірге деген алғашқы қадамды дәл қазір бастауым керек деп ойлаймын. Талай елдерге саяхаттаған адамдарды естіп-көріп жүрсем де , әрбір адамның саяхаттауға шексіз мүмкіндігі бар екенін Түркияға алғаш аяқ басқан сәтте түсіндім. Фильм мен сериалдардан көріп үйренген әсем табиғатты өз көзіммен көргенде, саяхат менің өмірімнің бір бөлшегі екеніне көзім жетті. Түркияның 5 жұлдызды отельінде жұмыс істеу барысында, жаңа мәдениетті сезіндім. Өзім бұрын соңды қонақ үй саласында жұмыс істемегендіктен, түрік тілін орта деңгейде білсемде, мен өзіме сенімсіз болып жұмысқа кіріскен едім. Әрдайым жұмыс басталудан бұрын қобалжуды сезінетінмін. Бірде маған ресторан ішінде жауапты жұмыс тапсырылды да: -Қанша уақыт керек?-деп сұрады. -30 минут,-деп жауап бердім де, жұмысқа кірістім. Бар жауапкершілікті өз мойныма алғандықтан, жұмысты тыңғылықты етіп орындауға тырыстым. Жарты сағаттан кейін шеф келіп, менің жұмысымнан қателік таба алмады. Содан соң: -Afferin (жарайсың),- деді. Дәл осы сәтте менің бойыма сенімділік ұялады. Осылайша уақыт өте келе, мен ресторан шефтері мен жанымдағы коллегаларымнан тек жылы сөздер ести бастадым. Менің жұмысты жақсы істейтінімді айтып, менімен бірге жұмыс істеуге асығатын жағдайға жетті. Осылайша Түркия маған сенімділік сыйлап, мен өз қабілетімді бағалауды үйрендім. Басқа елге саяхаттап бару біздерді бақытқа бөлей түседі, десе де сол елде бірнеше ай өмір сүріп, өзге ұлттың өкілдерімен бір жерде тамақтанып, бірге қуанып, бірге мұңайып-сырласқан сәттерді ештеңемен айырбастау мүмкін емес. Дәл сондай сәтте қандай ұлт болсақ та, бәріміздің жер планетасында өмір сүретін “адам” деген жаратылыс екеніміз тағы да еске түседі. Осындай сезімдерден кейін мен «саяхаттау үшін берілген әрбір мүмкіндікті пайдалануым керек» деген шешімге келдім. Қазіргі кезде студенттерге беріліп отырған ерекше мүмкіндіктің бірі - Work and Travel бағдарламасы. Бірнеше жылдар бұрын шет елге шығу, жұмыс жасау , саяхаттау сынды мәселелер мүмкін еместей болып көрінетін, бірақ қазіргі кезде әрбір адам материалдық жағдайына қарамастан өз өмірін осындай бағдарламалардың арқасында өзгерте алады, дами алады және саяхаттай алады. Жастардың сана-сезімін оятып қана қоймай, саяхаттың маңыздылығын көрсете отырып, қомақты қаржы табуға көмектеседі. Бағдарламаның арқасында жыл сайын көптеген студенттер Нью Йорк көшелерін аралап, Голливуд киноларында көрген тарихи жерлерге өз ізін қалдырып, ерекше сезіммен елге оралуда. Бағдарлама арқылы менде өзімнің бірнеше арман-мақсатымды шындыққа айналдыруды көздеймін. Әрине, Американы көру кімнің де болмасын арманы, мен де осы жылғы мақсаттарымның тізіміне мұны қосып қойған болатынмын. Қиындық пен қорқынышсыз жетістіктің келмейтіні белгілі, жұмыс барысында да әртүрлі проблемалар туындауы мүмкін, бірақ үйден ең алғаш ұзағанымда, Астанаға үреймен оқуға кеткенімде, Түркияға тәуекел етіп кеткен сәттерімде де ішімдегі бір күш мені әрдайым алдыға итермелеген еді. Дәл қазіргі сәтте де Америкадай алпауыт елде жұмыс істеп-саяхаттауға дайын екенімді сезінемін. Ағылшын тілінде тұрғындармен сөйлесіп, өзге ұлт өкілдерімен танысып, миымдағы кейбір стеротиптерді жойсам деймін. Өз ортамды кеңейтіп, жаңа достар тауып , әртүрлі адамдармен араласқым келеді. Өзге елді танып-біліп қана қоймай, еліміздің әсем табиғаты, қонақжайлығы мен дәмді тағамдарымен бөлісіп, “Қазақстан” деген ел туралы түсінік қалыптастыруға бар күшімді салуды жоспарлаймын. Мамандығым туризм болғанд

SSSaniya Shonbayevashonbaeva99 · 2019 ж. 06 жел.Оқу

Сан-Францискомен менің ерекше байланысым бар десем болады. Бұл атауды естігенде, басымда Скотт Маккензидің «Сан-Франциско» әні ойнайды. Және мына жолдар: «If you are going to San Francisco, be sure to wear some flowers in your hair...» Мен бұл қаланы жақсы көремін, білесіз бе, бұл типтік американдық қала емес. Иә, онда зәулім ғимараттар, үлкен кептелістер, керемет көліктер бар, әрине, шексіз тізімдеуге болады, бірақ ол мүлдем басқа. Ондағы адамдар да басқаша, мейірімдірек, бір нәрсеге ұмтылады, дамиды. Ал ауа райы, мен үшін ең идеалдысы. Жыл бойы +20, әрине, жазда сәл жылырақ, ал қыста суығырақ болуы мүмкін, бірақ бұл жалпы мәнін өзгертпейді. Сан-Франциско маған бір жағынан Италияны еске түсіреді, «Palace of Fine Arts»-қа баруға кеңес беремін, сонда менің не айтқым келгенін түсінесіз. Ондағы сәулет өнері керемет және айналасындағы үйлер де көбірек еуропалық стильге ұқсайды. Ал егер жұбыңызбен барсаңыз, сізге «Shoreline Park» деп аталатын романтикалық орынды ұсынамын, рас, ол Кремний алқабында орналасқан, бірақ ол тұрарлық, ең бастысы, өзіңізбен бірге тамақ пен плед алыңыз, нақты айтамын, онда ләззат алатын нәрсе көп, әсіресе күн батқанда. Әрине, Golden Gate Bridge, Pier 39, Lombard Street немесе Twin Peaks сияқты ең басты орындарды ұмытпаңыз. Оларға міндетті түрде бару керек. Мен Сан-Францискода екі рет болдым, сірә, соншалықты ғашық болғаным сонша, екінші рет қайтып келдім. Бұл қаладағы алғашқы саяхатымды «Lands End»-ке жаяу серуендеумен аяқтадым, және білесіз бе, мұндай пейзажды мен тек интернеттегі суреттерден көргенмін, сол сәтте еріксіз көзіме жас келді және бірнеше сағаттан кейін кететініме өте мұңайдым. Мен үшін бұл барлық мағынада идеалды орын болды. Ал толқындардың жартастарға соғылғанын көру - таңғажайып көрініс. Екінші келгенімде, бүкіл күнімді Санта-Круз туристік қалашығына арнадым. Ол Сан-Францискодан шамамен екі сағаттық жерде, мүмкін одан да аз шығар. Мен үшін бұл кішкентай Лос-Анджелес болды, дәл сондай пальмалар, дәл сондай жағажай, сенбейсіз, тіпті ауа райы да +35 болды, бұл Солтүстік Калифорния үшін өте сирек кездеседі. Ол жерге көлікпен немесе автобуспен жетуге болады. Егер компаниямен саяхаттасаңыз, Uber немесе Lyft тапсырыс беріңіз және батыл барыңыз, бағасы қымбатқа түспейді, бірақ егер үнемдегіңіз келсе, автобус та бір нұсқа. Шынымды айтсам, мен бұл қаланы жақсы көргендіктен, әлі ұзақ уақыт жалғастыра аламын. Кейбір орындарды Сан-Франциско туралы жеке естеліктерім ретінде қалдырғым келеді. Ал сізге жоғарыда аталған орындарға баруға кеңес беремін. Уәде беремін - бей-жай қалмайсыз.

ATAnastasiya Taranavataranova.nas · 2019 ж. 30 қар.Оқу

Біз өмір сүріп жатқан жер туралы аздап айтып беретін уақыт келді-ау деймін :) Мұнда оның пайда болу тарихы туралы ұзақ әңгіме болмайды, жай ғана қызықты фактілер мен бақылауларыммен бөлісемін😊 Lake Placid Нью-Йорк қаласынан 480 км қашықтықта орналасқан, бұл көлікпен шамамен 5 сағаттық жол. Мұнда ірі спорттық іс-шаралар өткен, мысалы: 1932 және 1980 жылдардағы қысқы Олимпиада ойындары, биатлоннан әлем кубогы, лакросс, Ironman (триатлон) және тағы басқалары. Ашығын айтқанда, егер бұл іс-шаралар болмағанда, бұл қала жай ғана американдық ауыл және туристер альпинизм үшін сирек келетін әдемі орын болып қалар еді. Бірақ қазір бұл қала АҚШ пен Канададан келген адамдардың көптігінен лық толы. Біздің бастығымыз мұнда өте бай адамдар тұратынын айтты, өйткені жер телімі американдық өлшем бойынша өте қымбат тұрады. Қызығы сол, қала Lake Placid деп аталады, бірақ бүкіл қала орталығы басқа көл - Mirror Lake айналасында орналасқан. Сондай-ақ, бұл көл туралы қорқынышты фильм түсірілген, онда көлде құбыжық өмір сүріп, адамдарды жейді, бірақ түсірілім іс жүзінде Канадада өткен 😅 Климаты беларусьтікке ұқсас. Қызығы, біз Беларусьте Lake Placid ауа райын тексергенде, болжам бойынша орташа ~20-22 градус, жаңбыр мен найзағай болатын. Бірақ біз осында келген бойда, сол ауа райы Беларусьте басталды, ал бізде ~26-29 градус, күн шуақты және мүлдем бұлтсыз болды. Қызықты орындардан мыналарды атап өтемін: 🌿 Айдауы бар бөгет және шомылуға арналған керемет орын (қазір фотода) - Dack Snack мейрамханасының артында орналасқан - орман арқылы өтетін соқпақ ~ 12 минут жаяу. 🌿 сарқырама - Flume Falls - 20 км, велосипедпен ~ бір сағаттық жол 🌿 Whiteface тауы - әрбір турист үшін қолжетімді ең биік таулардың бірі. Аспалы жол бар. Өте әдемі. Фотосуреттер кейінірек болады 😍 🌿 Сейсенбі күндері Mid’s park-та күн батқандағы жанды музыка 🌿 сонымен қатар әдемі үйлері мен шапшаң ТИІНДЕРІ бар көптеген күтілген және таза көшелер (олар барлық жерде, жай ғана барлық жерде) Бұл қаланы жақсы көріп қалдым. Шу жоқ, тыныш, жайлы. Ал сіз не таңдар едіңіз: үлкен шулы қалада тұруды ма, әлде тыныш және жайлы шағын қалада ма?

OOOralbek Otegulovjohnfkennedy · 2015 ж. 08 қар.Оқу

2001 – жылғы 11 қыркүйек оқиғасынан соң америкалықтар үшін қауіпсіздік бірінші орындағы құндылыққа айналды. Сондықтан да мұндағы тексеру де қатаң түрде жүргізіледі. Қолымызға құжаттарымызды ғана ұстап кіреміз, қалған заттардың бәрін де қалдырып кетеміз. Тіпті ұялы телефонды да алуға болмайды. Елшіліктің табалдырығын аттаған сәттен бастап Қазақстан Республикасының заңдарының үстемдігі тоқтап, Америка Құрама Штаттарының заңдары салтанат құрады. Бақылау постынан өтіп ішкі аулаға беттей бергенде-ақ, манағы тоңып, қалтырып-дірілдегенім, визаны уайымдап қобалжығаным, бәрі бірден басылып, өзімді жайлы сезіне бастадым. Елшіліктің ауласына енген бойда күннің салқындығы да жоғалып кеткендей. Міне, ғажап! Неге екенін білмеймін, өзімді сондай қауіпсіз сезіндім. Артынан қуып келе жатырған «Баскервиль» төбеттен қашып, үйге кіріп үлгерген адамның күйін кештім. Артур Конан Дойлдың «Шерлок Холмсы» естеріңізде болар...? Сонда бір құбыжық төбет бар еді ғой... Сөйтіп көтеріңкі көңіл-күймен интервью болатын ғимараттың есігіне қол создым. Ауладағы жайлылық пен тәртіпке құрылған атмосфера ғимараттың ішінде де бетке ұрады екен. Есік күзеткен сыпайы офицер ішке кірген студенттерге не істеу керектігін көрсетіп, нұсқау беріп тұр. Кіріп келген бетте ол маған да басын изеп амандасты да, оң жақ беттегі терезені нұсқады. Ол жерден кейбір қажетті қағаздарды алған соң, келесі терезеге саусақ іздерін тапсыруға өттім. Бәрі аяқталған соң күту залына келіп жайғастым. Іште отырғандардың көпшілігінің түрлері таныс, өзіміздің Ақтөбенің қыз-жігіттері. Арасында бейтаныс студенттер де бар. Студенттер бірін соң бірі жауап беріп шығып жатыр. Әзірге ешкім құламаған сияқты. Оң жағыма қарасам көздерінен ұшқын атып өзімізбен бірге келген Бақытова Сымбат отыр екен. Жүзінен ешқандай да абыржу байқалмайды. Сондай сабырлы, сондай маңғаз! Жүзіне бір қарағанда-ақ көздері сөйлеп қоя береді: «Осы да қиындық болып па? Қазір өтеміз. Күнде сөйлеп жүрген ағылшын ғой...». Мен оның көздерінен осыны ұққандай болдым. Иә, оның көздерінен асқан сабырлылық пен асқақ сенімділіктің, һәм ізгі үміттің шоқтарын көргендей болдым. Оның көздері маған «Сен не, қорқып тұрсың ба? Онда несіне келдің? Үйіңде тыныш жатпайсың ба?» деп тұрғандай. Сабырлы қыздың сөздері де салмақты шықты: - Сәлем Сымбат! - Сәлем. Қалайсың? - Жақсы. Өзің қалайсың? Дайынсың ба? - Иә, жақсы. Сен ше? - Дайынбыз ғой, - деп қысқа ғана қайыра салдым. «Иә, расымен де мен неден қорқамын? Маған шегінерге жол жоқ. Өткен жылы бара алмай қалдым. Бұл маған берілген соңғы мүмкіндік. Биыл барып келмесем, келесі жылы оқу бітіремін. Сосын ешқашан бара алмаспын. Не болса да бүгін қалай да өтуім керек!» - осылайша мен өз ойыммен арпалысып отырғанда кезек Сымбатқа да жетті. Аты-жөнін ести салысымен орнынан тұрып, байсалды қалпын сақтаған күйі өзін шақырған терезенің алдына да жетті. Залдың іші тыныш болғанымен құлақ мүкістігі салдарынан не сұрап жатырғанын да анық ести алмадым. Бір минутқа жетер жетпес уақыттың ішінде байсалды қалыппен барған пысық қыз көңілді қалпымен кері оралды. Тақ-тақ етіп, консулдың аузындағы сөзін жұлып алып, лезде жауап беріп тұрған «Extra-пысық» қызға кімнің айтар қандай сыны болсын...? Келді, тарсылдатып жауап берді де, кетті. Сұрақты түсіндің бе, ойланып тұрудың қажеті жоқ. Тиісті жауабын тезірек айып құтыл. Ойланып, уақытты созып тұра берсең консулдың да сұрақтары көбейе береді. Сымбат – визаны лайықты алатын адамның үздік үлгісін көрсетті. Максимальді жауап, minimum time! Иә, айтпақшы ол өткен жылы (2013) бізбен бірге құжат тапсырып бара алмай қалған 15 ақтөбелік студенттің бірі еді... Иә, өткен жыл деп қоямын, өткен жылы Ақтөбедегі Акеак-қа (Aktobe Educational Advising Center) бірнеше адам болып құжат тапсырғанбыз. Астанаға интервьюға барамыз деп пойызға алған билеттерімізді екі рет кейін шегіріп, үшінші рет тапсырып тындық. Не болғанын түсіне алмадық. Ойымыз сан-саққа жүгірді. Сол кез Бостонда ағайынды Царнаевтардың жарылыс ұйымдастырған кезеңімен тұспа-тұс келді. «Жарылыстан кейін Work and Travel-ді жауып тастапты»