Fəsil 7: Kilsədə oğurluq. Rehoboth Beach-i amerikalılar "Amerikanın yay paytaxtı" adlandırırlar. Bu adın səbəbi odur ki, bura istirahət etməyə əsasən Vaşinqton sakinləri gəlir. Şəhər əhalisi mehriban və şəndir. Burada kilsələrin birləşmiş assosiasiyası fəaliyyət göstərir. Onlar xaricdən gələn beynəlxalq tələbələr üçün pulsuz velosiped və pulsuz yemək təmin edirlər. Bu səxavət hər il mayın 27-dən sentyabrın 2-dək davam edir. Müvafiq olaraq, bu şəhərə dünyanın hər yerindən tələbələr də çox gəlir. İlkin vaxtlarda paylanan pulsuz velosipedlər sonradan tükəndi. Mən Rehoboth Beach-ə mayın 27-də gəldim. Həmin gün "Epworth United Methodist Church" kilsəsi şam yeməyi vermişdi, lakin mən ona çatmadım. Burada kilsələr təkcə pulsuz yemək və velosipedlə deyil, həm də yataq yeri ilə, hətta bəziləri iş tapmaqda da kömək edirlər. Şəhərə çatdığım gün bahalı oteldə bir gecə qaldıqdan sonra işimə getsəm, oradan da ürəkaçan xəbər eşidə bilmədim. Bizə "Job offer" satan adam bir adamın işini iki nəfərə satıb. "İkinizə 20/20 saatdan 40 saatı bölüb verəcəyik. Ona görə də özünüzə başqa iş axtarın" deyir. Mənim vəzifəm mətbəx köməkçisi idi. Açığını deyim, getdikdən sonra işəgötürən yunanlar məni o qədər də bəyənmədilər. İş də mənim xoşuma gəlmədi. İsti əşyalar, iti bıçaqlar, istənilən vaxt xəsarət ala bilərdin. Üstəlik, tez işlə, tez işlə deyə adamı cana doyururlar. Məhz burada bir sirri açım: bu, bir çox iş yerləri üçün xarakterik haldır. Çünki burada əmək haqqı saatla ödənilir. Ona görə də amerikalı işəgötürənlər üçün işi tez gördürüb işçilərini evlərinə qaytarmaq sərfəlidir. İşi tez bitirsən, tərifləyib evə göndərməyə tələsirlər. Nəticədə bir çox insanlar işi keyfiyyətsiz yerinə yetirirlər. Mənim dostum Əkbər işin hamısını sürətlə görür, lakin keyfiyyəti ürəkaçan deyil. Mən işi yavaş görəndə, Əkbərin hər şeyi tez gördüyünü tərifləyirlər, lakin düzgün yuyulmamış qabları görəndə hər şeyi tələsik gördüyünü, düzgün görmədiyini deyib danlayırlar. Mən isə hər hansı işi diqqətlə yerinə yetirirəm. Bunun əvəzində bu, çox vaxt aparır. Nəticədə mən daim "Çox yavaş işləyirsən" deyə irad alırdım. Əlbəttə, mənim də Əkbər kimi yarımçıq iş görməyim mümkün idi, lakin bu mənə sərfəli deyil. Birincisi, işi tez görəndə xəsarət almaq riski artır. İkincisi, yorulursan. Üçüncüsü, saatın da az olur. Özünə düşən işi görüb bitirdikdən sonra tərifləyib evə qaytarırlar. Saatın az olandan sonra maaşın da az olur. Burada isə anlayış belədir: "Vaxt puldur!". Məhz buna görə də mən işdə qəsdən vaxtı uzadırdım. Sonra oteldə birlikdə işlədiyim bolqar qız-oğlanlar da mənə tez bitir deyə danlayırdılar. Özləri hər şeyi tez-tez görürlər, sonra evə gəlib siqaretlərini tüstülədirlər. Ondan sonra hər iki həftədən bir maaş çekini alanda "aylığımız azdır" deyib bir-birinə öz dillərində dərdlərini danışırlar. Mən isə qəsdən vaxtı uzadan adamın sayəsində onlardan bir az çox alırdım. Bu hərəkətim yunan rəislərimin xoşuna gəlmədi. Bununla belə, yunanlar sürətli hərəkət edən xalqdır. 27 yaşlı Ayrin və onun atası 65 yaşlı Corc Vrentzoslar çox sürətli hərəkət edirlər. Avliyo Edmond katolik kilsəsinə gedəndə mənə pulsuz velosiped də təklif etdilər, lakin mən velosiped sürə bilmədiyim üçün götürmədim. Amerikaya çatdıqdan sonra təcili həll edilməli olan məsələlərdən biri SEVIS-də qeydiyyatdan keçmək və orada statusumuz "Active" olduqdan sonra yaxınlıqdakı Social Security Office-ə gedib, Social Security Card düzəltdirmək üçün ərizə verməkdir. Bir çox tələbələr SEVIS-də statusları "Active" olmadan ərizə verib, Social Security Card-larını bir müddət ala bilmirlər. Bu, Amerikada çox vacib sənəddir. Bu olmasa ikinci iş tapa bilməzsən! Kvartira məsələsini həll etdikdən sonra mənə Social Security Card-a ərizə vermək məsələsi qaldı. Mayın 29-da Lüteran kilsəsində tanış olduğum Yustina adlı litvalı qızla birlikdə qonşu şəhərdə yerləşən ofisə getməyə razılaşdıq. Beləliklə, əvvəl ikimiz çıxmışdıq, yoldan bizə bir xeyli adam qoşuldu. Bu, 3 iyun, çərşənbə axşamı günü idi. Bu gün şam yeməyini "Epworth United Methodi
+6